Ýaqyttyń zymyrap ótip jatqanyn baıqamaı da qalamyz. Qazaqstan Prezıdentiniń saılaýy dep, Qasym-Jomart Toqaevtyń saılaý aldy baǵdarlamasyn zerdelep, saılaý barysyn baqylap, telemarafonda jınalyp, tikeleı efırde 16 saǵat boıy úmit, senim, oı-pikirlerimizben jarysa bóliskenimiz kúni keshe sııaqty edi.
365 kúnde ne ózgerdi?
Bir qaraǵanda qas-qaǵym sát te sııaqty. Biraq saıası-ekonomıkalyq jasalyp jatqan reformalar bir jylda da biraz jumysty atqarýǵa bolatynyn dáleldedi. Bastysy Qazaqstannyń demokratııalyq damý baǵdary aıqyndaldy, ol qoǵamǵa bıliktiń muragerligin qamtamasyz etti jáne oǵan kepildik berdi.
Prezıdent saılaýy eldegi saıası ózgeristerge túrtki boldy, nátıjesinde Parlamenttiń qos palatasy da, máslıhattar da qaıta saılandy jáne jańartyldy, 45 aýdan men oblystyq mańyzy bar qalada alǵash ret ákimder saılaýy ótti. Árıne saılaýshylardyń óz daýystarynyń mańyzdylyǵyn tolyq sezinýi úshin bul óte az ýaqyt. Biraq saılaý mádenıetiniń negizi qalandy. Aýyl ákimi, máslıhat, Parlament depýtattyǵyna saılaýǵa kózqaras ózgerdi. Halyq - bılik, bılik - halyq degen formýlany dál osy saılaýlar aıqyndaı tústi.
Al, Prezıdent Qasym-Jomart Toqaev «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasyn eske túsirip, onyń basym baǵyttarynyń oryndala bastaǵany belgili. Baǵdarlamanyń túp qazyǵy – ekonomıkada adal jáne naqty ereje belgileý bolatyn. Jyldar boıy talan-tarajǵa túsken memleket baılyǵy qaıtaryla bastady. Shamamen 1 trln teńge somasyndaǵy zańsyz satyp alynǵan aktıvter memleketke qaıtaryldy. Ekonomıkany monopolııasyzdandyrý boıynsha júıeli jumys jalǵasyp jatyr. Monopolııasyzdandyrý jónindegi komıssııa jumysynyń nátıjeleri boıynsha respýblıkalyq menshikke ótti.
Memleket salyqtyq, bıýdjet, aqsha-kredıt jáne tarıftik saıasatty teńgerimdi jáne ashyq júrgizip, ishki óndiristi jáne shıkizattyq emes eksportty yntalandyratyn bolady.
Q.Toqaev Prezıdent bolǵan birinshi jylda saılaýaldy baǵdarlamasyn iske asyrý jóninde irgeli daıyndyq jumystary júrgizildi. Baǵdarlamanyń maqsattary men mindetteri memlekettik organdardyń aǵymdaǵy josparlarymen úılestirildi, ony iske asyrý úshin zańnamalyq negiz jasaldy. Bul zańnamalyq negizder bolashaqqa arnalyp jasaldy.
Prezıdent Qasym-Jomart Toqaev óziniń saılaýaldy baǵdarlamasynda «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasynda respýblıkany damytýdyń jańa ekonomıkalyq úlgisine kóshýdi belgilegen, onda monopolısterdiń josyqsyz is-qımyly alynyp tastalady.
2022-2023 jyldary 41,3 mlrd dollar tikeleı sheteldik ınvestısııa tartyldy. О́nerkásip salalarynyń orta jáne joǵary qaıta bólý ónimderin óndirýge qajetti bazalyq materıaldardyń qajettiligine taldaý júrgizildi. Otandyq óndirýshiler men ónerkásiptik-ınnovasııalyq qyzmet sýbektileri arasynda shıkizat jetkizý boıynsha mindettemelerdi engizýge baǵyttalǵan «О́nerkásiptik saıasat týraly» QR Zańyna túzetýler ázirlendi. Bul óńdeýshi ónerkásip kásiporyndarynyń qoljetimdi baǵadaǵy shıkizatpen tolyq qýatynda qamtamasyz etýge múmkindik beredi.
О́ndirýshiden sońǵy tutynýshyǵa deıin taýarlardy ótkizýdiń ashyqtyǵyn qamtamasyz etetin tutas keshen bolyp tabylatyn Ulttyq qadaǵalaý júıesi engizildi.
Munyń ózi birinshi jyly oń ózgerister boıynsha jaqsy qarqynǵa qol jetkizildi dep aıtýǵa bolady. Memleket osy qarqyndy saqtap qalýy tıis, árıne qoǵam memleketke bul iste kómektesýi kerek.