Qazaqstannyń eńbek sińirgen sport sheberi, Sıdneı Olımpıadasynyń kúmis júldegeri, balýan Islam Baıramýkov ómirinde nege ókinetinin ashyq aıtty, dep habarlaıdy Egemen.kz.
"Alǵashqy" baǵdarlamasyna qonaq bolǵan sportshy shırek ǵasyrǵa jýyqtasa da sol Sıdneı Olımpıadasynyń beınejazbasyn múlde kórmegenin jetkizdi.
"О́mirde neshe túrli jaǵdaılar bolady ǵoı. Kásibı sportshy bolǵannan keıin osy saladaǵy áttegen-aıymdy aıtaıyn, Olımpıada oıyndarynda fınalǵa shyqtym ǵoı. Fınalda, ókinishke qaraı, jeńilip qaldym. Osy kúnge deıin beınejazbasyn kórgen joqpyn. 23 jyl ótti. Kórgim de kelmeıdi", - dedi Islam Baıramýkov.
Ol Sıdneı Olımpıadasynan janynda jara qalǵanyn atap ótken.
"Áli de kórgim kelmeıdi. Janǵa batqan jara bar. "Áttegen-aı, sońǵy sátte nege barymdy salyp, jeńiske jete almadym?" degen oı áli bar ishimde", - deıdi sportshy.