Memleket basshysy Qasym-Jomart Toqaev QHR Memlekettik keńesi Premeriniń orynbasary Dın Sıýesıandy qabyldady, dep habarlaıdy Egemen.kz Aqordanyń baspasóz qyzmetine silteme jasap.
«Qasym-Jomart Toqaev Qazaqstanǵa resmı saparmen kelgen Qytaı kommýnıstik partııasy OK Saıası keńesi turaqty komıtetiniń múshesi, QHR Memlekettik keńesi Premeriniń orynbasary Dın Sıýesıandy qabyldady. Kezdesý barysynda qazaq-qytaı strategııalyq seriktestiginiń jaı-kúıi jáne ony damytý perspektıvasy, Prezıdent Qasym-Jomart Toqaev pen QHR Tóraǵasy Sı Szınpınniń buǵan deıin qol jetkizgen ýaǵdalastyqtaryn eki el úkimetteriniń iske asyrý barysy talqylandy», delingen habarlamada.
«Qytaımen ekijaqty qatynasty múlde jańa deńgeıge kóterý Qazaqstannyń mańyzdy strategııalyq basymdyǵy sanalady. Shyn máninde, qazaq-qytaı baılanystary ózara tıimdi memleketaralyq yqpaldastyqtyń úlgisin kórsetedi dep oılaımyn. Biz Qytaıdy óte mańyzdy strategııalyq seriktes retinde qarastyramyz jáne barlyq saladaǵy yntymaqtastyqta naqty nátıjege qol jetkizetinimizge úlken úmit artamyz», dedi Memleket basshysy.