Naýaı teatrynyń tartýy

«Bizdiń eki eldi ondaǵan jyl boıy qalyptasqan shyǵarmashylyq pen ja­qyn memlekettik qarym-qatynas baılanystyrady. Qos halyqty shynaıy dos­tyq pen tatý kórshilik biriktiredi. Teatrymyzdyń Qazaqstanǵa gastroldik sapary – eki memlekettiń ózara shyǵarmashylyq baılanysyn nyǵaıtyp, mádenıetin baıy­tatyny anyq. Uıym­dastyrý turǵysynan mundaı úlken týr aýqymdy ha­lyqaralyq joba sanalady. Munda 110 adamnan quralǵan shyǵarmashylyq ujymdy kórsetýimiz qajet. Osy topqa halyq ártisteri, óner qaıratkerleri, eńbek sińirgen ártister, sondaı-aq kóptegen halyqaralyq baıqaýda, sonyń ishinde jýyr­da О́zbekstanda ótken «Competition dell’opera» do­dasynyń laýreaty atanǵan daryndy jastar endi. Á.Naýaı atyndaǵy MAÚT sımfonııalyq orkestri de óner kórsetedi. Bul elimizdiń opera jáne balet ónerin jan-jaqty tanystyrýǵa múm­kindik beredi», dedi Á.Naýaı atyndaǵy memle­kettik akademııalyq Úlken teatr­dyń dırektory, О́zbek­stan­nyń halyq ártisi Ramız Ýsmanov.

Elordalyq kórermender tamasha keshte ózbektiń tól opera jáne balet shy­ǵarmalarymen jaqyn tanysyp, jyly áserge bólendi. Dálirek aıtqanda, Á.Naýaı atyndaǵy Úlken teatr solısteri Dj.Verdıdiń «Don Karlos», P.Chaıkovskııdiń «Iolanta» operalarynan nómirler usynyp, Dj.Pých­chınıdiń «Bogema», V.A.Mo­sarttyń «Sıqyrly fleıta», F.Chıleanyń «Adrıana Leký­vrıor» operalarynan arııa­lardy naqyshyna kel­tirip oryndady. О́zbek kompozıtory, KSRO halyq ár­tisi M.Ashrafııdiń «Kash­mırıda» romansy, sondaı-aq О́zbek KSR halyq ártisi, kompozıtor S.Iýdakovtyń «Maısaranyń aılasy» ope­rasynan qoıylǵan ýver­tıýra men kórinister baǵ­darlamanyń ajaryn odan ári asha tústi.

Ǵajaıyp gala-konsertte biregeı balettik qoıy­lymdar da usynyldy. L.Mın­kýstyń «Don Kı­hot», A.Adannyń «Jızel» spektaklderinen nómirler, R.Drıgonyń «Ta­lıs­man» baletinen pa-de-de kór­se­tildi. Ásirese J.Bıze-R.Shedrınniń «Kar­men sıýıta» baletinen varıasııa­lar men adajıo, S.Pro­ko­fevtiń «Romeo men Djýlet­ta» baletiniń bal­kondaǵy kórinisterindegi ártis­terdiń sheberligi kó­rer­mendi súısindirdi. So­nymen birge maestro Denıs Vlasenkonyń jetek­shi­ligimen Úlken teatrdyń sım­fonııalyq orkestri birqatar klassıkalyq týyndyny tyńdarmanǵa tartý etti.