Ulytaý oblysy ákimi halyq arasynda taralǵan jańsaq pikirge qatysty jaýap berdi, dep habarlaıdy Egemen.kz aımaq ákimdigi saıtyna silteme jasap.
Jańaarqa kenti turǵyndarymen kezdesý barysynda óńir basshysy Qyzyljar eldimekeninde salynatyn jel elektr stansalarynyń qurylysy – óńirdegi energetıka qajettiligin sheshýge mol múmkindik beretinin jetkizdi. Oblys ákiminiń aıtýynsha Jańaarqa aýdanyndaǵy 20 gektar jerdi kórshiles memleketke menshikke nemese uzaq merzimdi jaldaýǵa berý jaıynda taralǵan túrli pikir shyndyqqa janaspaıdy.
«Qytaılyq «Sınohaıdro» kompanııasy ınvestor retinde qajetti qarajatty beredi, joba iske qosylyp, ónim paıda ákelgennen keıin qarjy tolyq qaıtarylady. Qurylys jumystaryn jezqazǵandyq «TehnoGrýppServıs» kompanııasy júrgizedi. Sáıkesinshe óńirde jańa jumys kózderi ashylady», dedi óńir basshysy.