«Qazgıdromet» RMK erteń, 4 jeltoqsan kúni eldiń 15 óńirinde kún raıy buzylatynyn eskertti, dep jazady Egemen.kz.
Qyzylorda oblysynyń soltústiginde, ortalyǵynda tuman túsedi.
Astanada túnde jáne tańerteń burqasyn, kóktaıǵaq kútiledi. Soltústik-batystan soǵatyn jel ońtústik-batysqa aýysady, túnde jáne tańerteń ekpini 15-20 m/s, keı ýaqyttarda 25 m/s.
Ulytaý oblysynyń soltústiginde, shyǵysynda soltústik-batystan soǵatyn jel ońtústik-shyǵysqa aýysady, ekpini 15-20 m/s bolady dep boljanyp otyr.
Almaty oblysynyń soltústiginde, ońtústiginde, taýly aýdandarynda keı ýaqytta tuman bolady. Soltústik-batystan jel soǵady, oblystyń shyǵysynda ekpini 15-20 m/s jetedi.
Qaraǵandy oblysynyń soltústiginde, shyǵysynda burqasyn bolady dep boljanyp otyr. Oblystyń soltústiginde, shyǵysynda kóktaıǵaq kútiledi. Batystan, ońtústik-batystan jel soǵady, túnde oblystyń soltústiginde, shyǵysynda ekpini 15-20, keı ýaqyttarda 25 m/s bolady.
Jambyl oblysynyń ońtústiginde, taýly aýdandarynda tuman túsedi. Ońtústik-batystan soǵatyn jel ońtústik-shyǵys jeline aýysady, oblystyń ońtústik-batysynda, soltústik-shyǵysynda, taýly aýdandarynda 15-20 m/s, táýlik boıy ekpini 23-28 m/s bolady.
Jetisý oblysynyń ońtústiginde, shyǵysynda, taýly aýdandarynda qatty jaýyn-shashyn (jańbyr, qar), tuman kútiledi. Batystan jel soǵady, oblystyń shyǵysynda, ortalyǵynda, taýly aýdandarynda ekpini 15-20, keı ýaqyttarda 23-28 m/s jetedi.