Pavlodar oblysynyń polıseıleri jyldar boıy departamenttiń aýlasyn sypyrýmen aınalysqan jumysshynyń týǵan kúnine oraı tosyn syı jasady, dep jazady Egemen.kz.
Bıyl 69 jasqa tolǵan Tólegen esimdi azamat Reseıde týyp-ósken. Keıinnen Qazaqstanǵa anasynyń janyna kóship kelgen. Birneshe jyl buryn anasy ómirden ozǵan týǵan kún ıesi uzaq jyldar boıy Pavlodar oblysy Polısııa departamentiniń aýla tazalyǵyna jaýap beredi.
Polıseıler bıylǵy týǵan kúninde tosyn syı jasap, ǵımarat aýlasynyń tazalyǵy úshin alǵys bildirdi.
«Biz ony týǵan kúnimen quttyqtap, tosyn syı jasaımyz dep sheshim qabyldadyq. Ujym atany eńbekqorlyǵy úshin jaqsy kóredi jáne qurmetteıdi. Ol eshqashan ózi týraly eshteńe aıtpaıdy», deıdi vedomstvo ókilderi.
Polıseılerden mundaı syı kútpegen aýla sypyrýshy ata kózine jas alyp qaldy.