Memleket basshysy «Adam quqyqtary men zań ústemdigi salasyndaǵy is-qımyl jospary týraly» Jarlyqqa qol qoıdy, dep habarlaıdy Egemen.kz Aqordanyń baspasóz qyzmetine silteme jasap.
Adam quqyqtary men zań ústemdigin qorǵaý júıesin odan ári damytý maqsatynda QAÝLY ETEMIN:
1. Qosa berilip otyrǵan Adam quqyqtary men zań ústemdigi salasyndaǵy is-qımyl jospary (budan ári – Is-qımyl jospary) bekitilsin.
2. Qazaqstan Respýblıkasy Úkimeti:
1) Is-qımyl josparyn iske asyrý boıynsha qajetti sharalardy qabyldasyn;
2) jartyjyldyq negizde 15 shildege jáne 5 qańtarǵa deıin Qazaqstan Respýblıkasy Prezıdentiniń Ákimshiligine Is-qımyl josparynyń oryndalý barysy týraly aqparat usynsyn.
3. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q.Toqaev
Astana, Aqorda, 2023 jylǵy 8 jeltoqsan