600 shaqyrym jol jóndeledi

Bıyl Shyǵysta 7,7 mlrd teńgege 392 km jol jóndelse, keler jyly jol­dyń jaǵdaıyn jaqsartýǵa bólinetin qar­jy eki esege kóbeıtilip, 15 mlrd teńgege 600 kılometr jol jóndeledi. Shyǵys Qazaqstan oblysynyń jolaý­shy kóligi jáne avtomobıl joldary basqarmasynyń basshysy Nurjan Juma­dilovtiń aıtýynsha, 2024 jyly respýblıkalyq bıýdjetten bólingen 7,7 mlrd teńgege qosa oblystyq bıýdjetten taǵy 7,5 mlrd teńge shamasynda qarajat bólinip, oblystyq jáne aýdandyq ma­ńyz­daǵy joldardy orta jódeýden ótki­zý­ge jumsalmaq.

Budan basqa «Aýyl – el be­sigi» baǵ­dar­lamasy boıynsha qa­rastyrylǵan, aýdan­dar men qalalar bıýdjetinen bóli­ne­tin jáne joldardy kútip us­taý­ǵa bólinetin 13 mlrd teńge kóle­min­degi qarjyǵa oblys, aýdan kóle­min­degi jáne eldi me­ken­derdiń joly orta jóndeýden ótip, ob­lysta jergilikti joldardy jóndeýge barlyǵy 28 mlrd teńge aqsha jumsalady. Aldaǵy jyly ár aýdanǵa 800-900 mln teńge bólinip, onyń jartysyna jýyǵy aýdan ortalyqtarynyń kóshelerin as­fal­t­­taýǵa baǵyttalady.

Oblystaǵy avtokólik jol­da­ry­nyń jalpy uzydyǵy – 5 265 km. Onyń ishinde respýblıkalyq mańyzy bar jol – 1238 km. О́ńir­degi joldardy, onyń ishinde kirme joldardy jóndeýde jer­gi­lik­ti turǵyndardyń joldardyń sapasyna qatysty aıtylyp kele jatqan syny eskerilip otyr. Kózdelgen qarjyny ıgerý úshin jobalyq-smetalyq qujat­ta­ma­lardy daıyndaý jumys­ta­ryn merziminde júrgizý qajet. Quzyrly uıymdar jol jóndeý jumystarynyń sapasyn baqylap otyrmaq.

Oblysta jol jóndeý jumys­ta­ry «Jol jylymen» aıaqtalyp qalmaq emes. Av­tomobıl joldary komıtetimen birlesip, 2029 jylǵa deıin júzege asyrylatyn negizgi basym jobalardyń tizbesi ázirlenýde. Shyǵysta jalpy quny 392 mlrd teńge bolatyn uzyndyǵy 684 shaqyrym joldy qaıta jańartý jáne kúrdeli jón­deý­den ótkizýge 7 joba tań­dalyp otyr.

Búgingi kúni oblystaǵy iri ınfraqu­ry­lymdyq jobalardy iske asyrý odan ári jalǵasyp jatyr. Buqtyrma sý qoımasy arqyly ótetin kópir qurylysy bo­ıynsha 27,4 mlrd teńge ıge­ril­gen. Jobanyń jal­py quny – 61,4 mlrd teńge. 21 kópir tire­gi­niń 11-i ornatylyp, 7 kópir tire­­giniń jumysy jalǵasýda. Kó­pir ara­lyq­tarynyń 20 metall kons­trýk­sııa­sy­nyń 14-i Reseıdiń Qorǵan qalasynda da­ıyndalyp, ýchas­kege jetkizilgen. Olar­dyń altaýy ornatylǵan. El kútip júr­gen kópir keler jyldyń aıaǵyn­da tehnıkalyq turǵyda iske qosylyp, 2025 jyldyń alǵashqy toqsanynda paıdalanýǵa beriledi.

Oblysta respýblıkalyq ma­ńyzy bar Qalbataý – Maıqap­sha­ǵaı avtomobıl joldaryn qaıta jańartý jumystary júrgizilip jatyr (barlyǵy – 415 km, Shyǵys Qazaqstan oblysy boıynsha – 218 km, oryndalǵany – 211 km, qalǵany – 7 km). Jolaýshylardyń tózimin taýysqan Taldyqorǵan – Qalbataý – О́skemen ba­ǵy­ty (bar­lyǵy – 454 km, Shyǵys Qazaq­stan oblysy boıynsha 60 km) boıynsha joldyń Shyǵys Qazaqstan oblysy aýmaǵyndaǵy bóligi tolyq jóndelip bitken. Abaı oblysy bóliginde jóndeý jalǵasyp jatyr. Degenmen qazir Aıagóz, Jarma, Úrjar aýdandary tusyndaǵy aınalma joldar alynyp, ol jaqta da kólikter ishinara asfalt jolmen júrip jatyr. Birneshe ret keıinge shegerilgen Taldyqorǵan – Qalbataý –О́skemen ba­ǵy­tyn­daǵy jol jón­deý ju­mys­tary túze­tilgen joba boıynsha keler jyly aıaq­talýǵa tıis.

Birneshe jylǵa sozylyp, salynyp bitpeı kele jatqan Osınov asýyn aınalyp ótetin О́skemen – Altaı – Rahman qaınary avtojolyn qaıta jańartý (56-72 km ýchaskesi) boıynsha merdiger bolyp bıylǵy sáýir aıynda «Kurylys Group RK» JShS anyqtalǵan. Joldy endi osy kompanııa salyp shyqpaq. Kelisimshart jasalǵan.

2024 jylǵa 5 mlrd teńge qaras­ty­ryl­ǵan 72-88 km ýchaskesi boıynsha JSQ túzetý jalǵasýda (JSQ túzetýdi aıaq­taýdyń bol­jam­dy merzimi 2024 jyl­dyń shildesi). Sonymen qatar bıyl respýblıkalyq mańyzy bar О́skemen – Altaı – Úlken Naryn – Rahman qaınary avto­kólik jolyn­da ornalasqan tórt kó­pir­ge kúrdeli jóndeý jumysy júr­gi­zilip jatyr. Kópirlerdi jóndeý keler jyly aıaqtalady.

Shyǵys Qazaqstan oblysy