49 jastaǵy stýdent

Ol basqa talapkerler sııaqty oqýǵa túsýge muqııat daıyn­dal­ǵan. UBT jáne tildik emtıhan tapsyryp, Ulybrıtanııa ýnı­versıtetiniń fılıalynda oqý­da­ǵy alǵashqy jetistikterine jet­ken.

– Oqý týraly oı eki-úsh jyl­ buryn paıda boldy. Me­niń jeke ká­sibim bar. Ju­my­sym – elekt­rondy avtomobıl júıe­lerin dıag­­nostıka­laý. Orta teh­nıkalyq bi­lim bar, biraq kom­­pıý­terlik baǵ­darlamalaý sala­­syn­­daǵy bi­li­mimdi art­tyr­ǵym keledi. Son­­dyqtan «Kompıý­ter­lik ın­­jenerııa» ma­man­dyǵyn tańdadym. Endi ju­mys­ty oqý­men biriktirýim kerek. Bul ońaı emes, biraq qala­sa­ńyz, bári múm­kin, – deıdi N.Matsalaev.

Ol osyǵan deıin aǵylshyn tilin múldem oqymapty. Biraq jumysynyń ereksheligine baılanysty aǵylshyn tilindegi qu­­jat­tarmen kóp jumys iste­ýi­ne týra kelgen. Sodan bastap bar­lyq aqparatty tek aǵyl­­shyn ti­lin­de oqı bastaǵan. Onyń osy jasqa kelgende oqýǵa qush­tar­lyǵyn ashqan – zaıyby. Áıe­li­niń arqasynda óz kúshin synap, álemdik ýnıversıtetke tú­sý­ge baryn salǵan. Nurbaıdyń zaıy­by­ – Q.Jubanov ýnıversıtetiniń ekonomıka fakýltetinde oqy­tý­shy. Ol oqýǵa túserde aǵaıynnyń kóz­qarasy ártúrli bolypty. Aǵa býyn qabyldaı almaı, jastar jaǵy qoldaǵan. Ol qansha jasqa kelse de, oqımyn degen adamǵa oılanýdyń qajeti joq dep sanaıdy.

– Men tildik emtıhannyń qıyn bolatynyn túsindim, son­dyq­­tan oqýǵa túsý qarsańynda aǵylshyn tilinen repetıtor jaldap, qarqyndy daıyndala bastadym. Eń aldymen, Shotlandııa ýnıversıtetiniń 200 jyldyq ta­rıhy qyzyqtyrdy. Qazir osyny zerttep júrmin. Sodan keıin ýnıversıtettiń ashy­­lý jo­ba­sy­nyń aýqymy tańǵal­dy­ra­dy.  Osy­laı­sha, álemdegi eń úzdik jo­ǵa­ry oqý oryndarynyń bi­rin­de oqýǵa múm­kin­dik aldym. Arman­dar Heriot-Watt-pen oryndalady, – deıdi stýdent.

Esterińizge sala keteıik, Uly­brı­tanııanyń eń kóne joǵary oqý orny – Heriot-Watt fılıaly bıyl Aqtóbedegi Q.Jubanov ýnıversıteti bazasynda ashylǵan bolatyn. Negizinen Heriot-Watt ın­jenerlik kadrlar men IT mamandar daıarlaıdy. Heriot-Watt fılıalynyń dıplomy shetelde tizimdeledi. Stýdentter ár jyly ár fılıalǵa baryp oqıdy. Mysaly, oqýdyń birinshi kýrsy Aqtóbede, ekinshi kýrsy Shot­landııada ótedi. Stýdentter Q.Ju­ba­nov ýnıversıteti arqyly He­riot-Watt-qa túsedi, olardyń eki baǵ­darlamasy jáne eki dıplomy bolady.