13 jeltoqsan túni Astana qalasy mańyndaǵy Qabanbaı batyr aýylynda jedel járdem kóligi júk kóligimen soqtyǵysyp qaldy. Astanaǵa baǵyt alǵan jedel járdem kóliginiń ishinde 73 jastaǵy naýqas bolǵan, dep jazady Egemen.kz.
28 jastaǵy «GAZel» júrgizýshisi aýylǵa qaraı kele jatqanda qarsy jolǵa shyǵyp ketip, jedel járdem kóligimen soqtyǵysqan.
«Oqıǵa saldarynan eki kóliktiń júrgizýshisi, feldsher jáne 73 jastaǵy naýqas zardap shekti. Jaraqat alǵandardyń barlyǵy Astana qalalyq kópsalaly aýrýhanaǵa jetkizildi», dep habarlady Aqmola oblysynyń polısııa departamenti.
Tártip saqshylary «Kólik quralyn basqaratyn adamdardyń jol qozǵalysy nemese kólik quraldaryn paıdalaný erejelerin buzý» baby boıynsha tergeý amaldaryn bastap, saraptama taǵaıyndady.