Búgin, 14 jeltoqsanda Aqtóbe qalasynda qaıǵyly jaǵdaı boldy. Anyqtalǵandaı, jetinshi synyp oqýshysy mektepte kóz jumdy, dep habarlaıdy Egemen.kz.
Densaýlyq saqtaý basqarmasy bul oqıǵaǵa qatysty túsinikteme berdi.
«13 jasar bala mektepte qulap, ústeldiń ushyna soǵyldy. Aýrýhanaǵa klınıkalyq ólim jaǵdaıynda jetkizildi. Qaraý kezinde uıqy arterııasynda pýlsasııa bolmady, qan qysymy anyqtalmady. Esi joq, ıek tusy jaralanǵan. Dereý reanımasııa bastaldy. Bala saǵat 11:25-te qaıtys boldy», dedi Aqtóbe oblystyq densaýlyq saqtaý basqarmasynyń basshysy Rústem Isaev «Dıapazon» basylymyna.Qaıǵyly oqıǵaǵa kýá bolǵandardyń aıtýynsha, oqýshy synypqa júgirip kirip, tabaldyryqqa shalynyp, tamaǵymen ústeldiń buryshyna qulaǵan.