Burynǵy mınıstr Qýandyq Bıshimbaevtyń ákesi Ýálıhan Bıshimbaev QR Ishki ister mınıstrligine jýrnalısterdiń ústinen aryz túsirdi, dep habarlaıdy Egemen.kz.
Polısııa departamentiniń baspasóz qyzmeti aqparatty rastady. Qazirgi tańda shaǵym qaralyp jatyr.
Qýandyq Bıshimbaev áıeli Saltanat Núkenovany jaýyzdyqpen óltirdi degen kúdikke ilindi. Qazir sotqa deıingi tergeý amaldary júrip jatyr, sonymen qatar qylmystyq is aıasynda 12 túrli saraptama taǵaıyndaldy.
Ýálıhan Bıshimbaevtyń aıtýynsha, qoǵamdyq pikirdi burmalaý onyń ulynyń isine qajetti tergeý sharalary men saraptamalar júrgizilmeı, odan da aýyr aıypqa aýystyrylýyna áser etti. Burynǵy mınıstrdiń januıasy Saltanat Núkenovanyń otbasy saraptama men sotqa deıingi tergeý jumystaryna aralasyp, qysym kórsetip otyr dep esepteıdi.