Memleket basshysy Qasym-Jomart Toqaevtyń keńesshisi ári baspasóz hatshysy Berik Ýálı «QazAqparat» Halyqaralyq aqparat agenttigine suhbat berdi. Ol Prezıdenttiń jyl boıy atqarǵan sharýalary men issapar, qabyldanǵan qararlar men áleýmettik mańyzdy saýaldarǵa jaýap berdi, dep jazady Egemen.kz.
Suhbat sońynda tilshi Prezıdenttiń keńesshisinen Qasym-Jomart Toqaevtyń jańa jyldy qaıda, qalaı qarsy alatynyn surady.
«Memleket basshysy óziniń týǵan kúnin de atap ótpeıtinin bilesizder. Bıyl mereıli jasy bolsa da, Qytaıda memlekettik saparmen júrdi. Al jańa jyldy Qasym-Jomart Kemeluly da bárimiz sııaqty óziniń úıinde, dastarqan basynda áýletimen birge qarsy alady», dep jaýap berdi Berik Ýálı.