Jeltoqsan aıynyń sońǵy kúnderi jaýyn-shashynǵa mol bolǵandyqtan elordanyń memlekettik qyzmetteri táýlik boıy kúsheıtilgen rejımde jumys isteýge kóshti. 27 jeltoqsan kúni tańerteńnen beri 2,3 myńnan astam jumysshy men 1600-ge jýyq arnaıy tehnıka qala kóshelerin qar men muzdan tazartyp jatyr, dep habarlaıdy Egemen.kz Astana ákimdiginiń resmı saıtyna silteme jasap.
Aıta ketsek, ótken túni elorda kóshelerinen 16 myń tekshe metrge jýyq qar shyǵaryldy. Ol úshin aýyr júk kólikteri qar úıindilerine 1200-den astam reıs jasady.
Jalpy, qys maýsymy bastalǵaly beri qaladan 600 myń tekshe metrden astam qar shyǵaryldy, bul shamamen 48 myń júk kóligine artylatyn júk kólemine teń.
Jumys táýlik boıy kúsheıtilgen rejımde júrgiziledi.
Sondaı-aq turǵyndardyń yńǵaıly júrip-turýy úshin qala boıynsha joldar men trotýarlarǵa qum-tuz qospasy júıeli túrde sebilip jatqanyn da aıta ketý kerek.