Google kompanııasynyń Google Trends bólimi apta, aı, jyldyń «eń tanymal suraýlaryn» jarııalap otyrady. Osy saraptamalyq málimetke súıensek, Qazaqstan aýmaǵynda 2023 jyly Google izdeý júıesinen «Slovo pasana» sózi eń kóp terilipti, dep jazady Egemen.kz.
«Slovo pasana» - reseılik telehıkaıa ataýy. Áleýmettik jelilerde keń taralǵan fılm úzindileriniń áseri bolsa kerek, dál osy serıal ataýy Google-da eń kóp izdelipti.
Sondaı-aq Google Trends jyl boıy Qazaqstan halqy jıi suraý salǵan 5 taqyryp jıyntyǵyna: aýa raıy, aýdarma, Qazaqstan, Almaty, Rýsskıı sózderin engizgen.
Halyqtyń áleýmettik, turmystyq qyzyǵýshylyǵyna baılanysty WhatsApp Web, daıyn úı tapsyrma jaýaptary, vıdeo, Slovo pasana, Krov na asfalte, Zımorodok, OLX, Odnoklassnıkı, Wildberries, pındýodýo, 2023 jylǵy 1 aılyq eseptik kórsetkish (MRP) tirkesteri de jıi qaralǵan.
Al álem halqy bıyl Google izdeý júıesinde Gaza sektoryndaǵy soǵys týraly aqparatty kóbirek suratqan. Odan keıingi orynda «Tıtan» batıskafy apaty, Túrkııadaǵy jer silkinisi, «Hıları» men «Idalııa» daýyldary týraly tur.