Ertegilerimiz serb tilinde

Qarlyǵash týraly ańyzdar, janýarlar daýy, Qańbaq shal týraly qııal-ǵajaıyp áńgimeler men Aldar kóseniń qýlyqtary, sondaı-aq, qazaq ertegileriniń áıgili keıipkerleriniń basqa da shytyrman oqıǵalaryn endi kishkentaı serb oqyrmandary oqı alady.

Jańa kitaptyń tu­saý­ke­seri Jańa jyl qar­sa­ńyn­da Bel­grad qalasynyń balalar kitap­hanasynda ótti. Qazaqstannyń Serbııadaǵy elshisi Mádı Atam­qulov balalardy kitappen tanys­tyra otyryp, elimizge qatysty qy­zyqty faktiler týraly aıtyp, kishkentaı oqyrmandarǵa syı­lyqtar tabys etti.

Kitaphana qyzmetkerleri Qazaqstan tarıhy men mádenıeti boıynsha ınteraktıvti vıktorına ótkizip, sondaı-aq kitaptan birneshe qazaq halyq ertegileri oqyldy. Aldaǵy ýaqytta qa­zaq ertegileri jınaǵynyń júz­degen danasy Serbııanyń kitap­hanalary men mektepterine ta­ratylmaq.