Qazaqstanda 2024 jyly áleýmettik-eńbek salasyna bıýdjettik shyǵystar 16%-dan astam ósti, dep habarlaıdy Egemen.kz.
Jalpy, 2024 jyly respýblıkalyq bıýdjettiń áleýmettik-eńbek salasyna shyǵystary shamamen 5 trıllıon 456 mıllıard teńge somasynda kózdelgen, bul 2023 jylǵy shyǵystardan (shamamen 4,7 trıllıon teńge) 16,3 paıyz artyq.
«Josparlanǵan shyǵystardyń 98,2 paıyzy nemese 5 trıllıon 355,5 mıllıardy 2,4 mıllıon zeınetkerge zeınetaqy jáne 2,2 mıllıonǵa jýyq alýshyǵa járdemaqy tóleýge baǵyttalady», dep habarlady Eńbek jáne halyqty áleýmettik qorǵaý mınıstrligi.Vedomstvonyń málimetinshe, búginde respýblıkalyq bıýdjetten áleýmettik tólemderdiń 41 túri, sonyń ishinde bazalyq jáne ilesken zeınetaqylar tólenedi. 2023 jyly 4,4 mln adamǵa járdemaqy men zeınetaqy tóleýge 4 trln 689,3 mlrd teńge bólindi, onyń ishinde 2,3 mln zeınetkerler jáne 2,1 mln memlekettik járdemaqy alýshy bar.