Ishki ister mınıstrliginde jańajyldyq mereke kúnderi qansha qylmys jasalǵany aıtyldy, dep habarlaıdy Egemen.kz Polisia.kz-ke silteme jasap.
Vedomstvo «102» arnasyna 29 myńdaı qońyraý túskenin aıtqan, onyń basym bóliginde tynyshtyqty buzý, qoǵamdyq oryndarda ishimdikter ishý, buzaqylyq, mas qalypta kólik júrgizý týraly málimdelgen.
О́tken demalys kúnderi elimiz boıynsha 715 qylmys jasalǵan, onyń 485-i «izi sýymaı turyp» ashylǵan. Mysaly, polıseıler 68 urlyq pen 5 tonaý jáne 29 buzaqylyq boıynsha qylmystardy ashqan.
Qoǵamdyq jáne jol qaýipsizdigin qamtamasyz etý, qylmystyń aldyn alý, qylmysty jedel ashý jáne «nóldik tózimdilik» qaǵıdatyn iske asyrý úshin tártip saqshylary mereke kúnderi kúsheıtilgen jumys rejıminde qyzmet atqarǵany málim.