Buǵan deıin elimizde basseındik ınspeksııa qyzmetkerleriniń sany 98 adam bolǵan bolsa, qazir jalpy shtat sany 242 adamǵa jetip otyr, dep habarlaıdy Egemen.kz Sý resýrstary jáne ırrıgasııa mınıstrliginiń baspasóz qyzmetine silteme jasap.
Bul respýblıkanyń árbir oblys ortalyǵynda basseındik ınspeksııa bólimderin ashýǵa múmkindik berdi. Bıyl Ulytaý jáne Jetisý oblystary boıynsha basseındik ınspeksııa bólimderi, sondaı-aq Aqtóbe, Batys Qazaqstan, Mańǵystaý jáne Túrkistan oblystaryndaǵy bólimder qosylady.
Budan bólek, jańa Sý kodeksinde basseındik ınspeksııalarǵa qadaǵalaý fýnksııalaryn berý qarastyrylǵan. Al Kásipkerlik kodeks sý resýrstaryn basqarý organdary jedel den qoıý sharalaryn qabyldaı alatyn normalarmen tolyqtyrylyp jatyr.
«Qazaqstannyń sý resýrstaryn qorǵaý máselesi kún tártibinde tur. Sýdyń «qara naryǵyn» joıý jáne onyń paıdalanýyn baqylaýdy qamtamasyz etý úshin biz basseındik ınspeksııalar shtatyn arttyrdyq, sonymen qatar olardyń materıaldyq-tehnıkalyq bazasyn jaqsartýdy josparlap otyrmyz. Bul sharalar bizge múmkindiginshe kóp sý aıdyndaryn qamtýǵa múmkindik beredi», dedi Sý resýrstary jáne ırrıgasııa mınıstri Nurjan Nurjigitov.