Qyzylorda oblysynda polıseıler bopsalaý qylmysyna qatysy bar kúdiktilerdi ustady, dep habarlaıdy Egemen.kz Rolisia.kz-ke silteme jasap.
Polıseıler Qyzylorda oblysynyń turǵynyn áleýmettik jelilerde jeke sıpattaǵy málimetterdi jarııalaımyn dep qorqytqan bopsalaýshylar tobyn ustady.
Kúdiktiler derekterdi jarııa etpeý úshin jábirlenýshiden 7 mln teńge talap etken.
«Osy fakti boıynsha Qyzylorda oblysynyń uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalaryn júrgizip, nátıjesinde táýliktik kezekshilik kezinde kúdikti retinde 34, 32, 22 jastaǵy oblys turǵyndary ustaldy. Aıǵaqty zat retinde olardan aqsha, sıgnaldyq tapansha jáne jalǵan qyzmettik kýálik alyndy. Qazirgi tańda jábirlenýshiniń namysyna tıetin aqparatty taratamyn dep qorqytyp, aldyn ala sóz baılasý arqyly bir top adam jasaǵan bopsalaý faktisi boıynsha sotqa deıingi tergeý amaldary bastaldy», dep jazylǵan aqparatta.
Qomaqty qarjy bopsalaǵan kúdiktiler ýaqytsha ustaý ızolıatoryna qamaldy.