Túrkistan oblysynyń ákimi Darhan Satybaldy Prezıdentke ótken jyly oblysta atqarylǵan jumystar týraly aıtyp, esep berdi, dep jazady Egemen.kz Aqorda baspasóz qyzmetine silteme jasap.
О́tken jyldyń qorytyndysy boıynsha, aımaqtyń negizgi makroekonomıkalyq kórsetkishterinde oń dınamıka baıqalady. Atap aıtqanda, óńirdegi ónerkásip óniminiń kólemi 2,5 paıyzǵa ósip, 1 trıllıon teńgeden asqan. О́ńdeý ónerkásibin damytý úshin jalpy somasy 30,2 mıllıard teńge bolatyn 20 joba iske qosylyp, 594 jańa jumys orny ashylǵan.
Oblys ákiminiń aıtýynsha, aldaǵy 5 jylda óńirdiń óz kirisin 100 mıllıard teńgege arttyrý josparlanyp otyr. Aldyn ala esep boıynsha byltyr jalpy óńirlik ónim kólemi 3,8 trıllıon teńge bolǵan. Al aýyl sharýashylyǵyndaǵy ónim kólemi 1,1 trıllıon teńgeni quraǵan. Bul kórsetkish boıynsha Túrkistan oblysy respýblıkada kósh bastap tur. Salany ártaraptandyrý nátıjesinde 3,3 mıllıon tonna kókónis, baqsha ónimderi jınaldy. Bul – rekordtyq kórsetkish. Prezıdent tapsyrmasyna sáıkes aýyl sharýashylyǵynda ónim kólemin arttyrýǵa, sýdy únemdeýge yqpal etetin jańa ádis-tásilder men tehnologııalar engizilip jatyr.
Memleket basshysyna óńirdegi shaǵyn jáne orta bıznestiń damý barysy týraly baıandaldy. Darhan Satybaldynyń aıtýynsha, oblystaǵy kásipkerlik sýbektileriniń sany 211 myńǵa jetip, 1,6 trıllıon teńgeniń ónimi óndirilgen. Oblysta jalpy somasy 407,5 mıllıard teńge bolatyn qurylys jumystary júrgizilip, 898,9 myń sharshy metr turǵyn úı paıdalanýǵa berilgen. 3 myńǵa jýyq otbasy baspanaly boldy. Budan bólek, byltyr bıýdjet esebinen 35 mekteptiń qurylysy júrgizilip, 20 mektep ashyldy. «Jaıly mektep» jobasy aıasynda oblysta úsh jyl ishinde 49 myń oqýshyǵa arnalǵan 63 mektep salynady.
Sonymen qatar Prezıdentke aımaqtaǵy aýyldardy sýmen jáne gazben qamtamasyz etý jumystarynyń barysy tanystyryldy. О́tken jyly oblystaǵy 20 eldi mekenge jańadan aýyzsý qubyry tartyldy. Toǵyz aýyldaǵy eskirgen sý tartý júıeleri jańartyldy. Sondaı-aq 62 gazben qamtý nysanynyń qurylysy aıaqtalyp, 48 eldi mekenge kógildir otyn jetkizildi.
Kezdesý sońynda Qasym-Jomart Toqaev oblys ákimine halyqtyń ál-aýqatyn arttyrý, óńirdiń ekonomıkalyq jaǵdaıyn jaqsartý jóninde bergen tapsyrmalaryn júıeli ári sapaly oryndaý qajet ekenin aıtty. Sondaı-aq Túrkistan óńirin damytý jumystaryn jalǵastyrýdy tapsyrdy.