Densaýlyq saqtaý mınıstri Ajar Ǵınııat qansha azamat qaıtys bolǵannan keıin donorlyqqa keliskenin aıtty, dep habarlaıdy Egemen.kz.
Mınıstrdiń sózinshe, donorlyq aıasynda arnaıy qurylǵan elektrondy tizilim bar, onda kez kelgen azamat eGov arqyly óz pikirin bildire alady.
«Búgingi kúnge deıin Qazaqstannyń 40 myń azamaty bul máselege qatysty óz paıymyn bildirdi, olardyń 15 paıyzy qaıtys bolǵannan keıingi donorlyqqa kelisim berdi. Qazir mınıstrlik halyq arasynda úlken aqparattyq jumys júrgizip jatyr. 2023 jyldyń jeltoqsan aıynda aýqymdy transplantasııalar júrgizildi, eki donor toǵyz adamnyń ómirin saqtap qaldy», dedi Ajar Ǵınııat Májilis alańynda.