Aqordanyń baspasóz qyzmeti Ulttyq quryltaı músheleriniń quramy ózgergenin habarlady, dep jazady Egemen.kz.
Ulttyq quryltaı músheleriniń qataryna Qazaqstandaǵy Bala quqyqtary jónindegi ýákil Dınara Zákıeva, Qazaqstan koreıleri qaýymdastyǵynyń tóraǵasy Iýrıı Shın, Qazaqstan Eńbek Eri, Semeı qalasyndaǵy № 7 orta mektep-lıseıiniń muǵalimi Alma Shuqyjanova, Parlament Májilisiniń depýtattary Nurlan Áýesbaev, Nıkıta Shatalov, Jubanov ýnıversıtetiniń rektory Laýra Qarabasova, paravoleıbolshy Aısulý Súleımenova, dúngen etnosynyń jetekshisi Lýgmar Býlarov, telejúrgizýshi, «Azattyq rýhy» aqparat agenttiginiń jýrnalısi Krıstına Grınko qosyldy.
Sonymen birge birqatar oblystyń qoǵamdyq keńes músheleri de jańa quramdy tolyqtyrdy.
Al aldyńǵy quramnan «B.Álteev, Á.Tólámisov, Ǵ.Qanaı, S.Oǵaı, J.Daırabaev, Q.Maıgeldınov, B.Ýálı, A.Tımoshenko-Borovıkova, S.Sarybaı, D.Turlyhanov, A.Lodochnıkov, S. Quranbek, E.Sýlarov shyǵaryldy», delingen Aqorda habarlamasynda.
Qazirgi tańda kóktemde Atyraý oblysynda ótetin Ulttyq quryltaıdyń úshinshi otyrysyna daıyndyq jumystary júrgizilip jatyr.