AQSh-tyń Alabama shtatynda sottalǵan adam azotpen tunshyqtyrý ádisimen ólim jazasyna kesildi. Bundaı jaza AQSh-ta alǵash ret qoldanylyp otyr, dep habarlaıdy Egemen.kz.
1988 jyly áıeldi óltirgeni úshin sottalǵan Kennet Iýdjın Smıt óziniń úkimine shaǵymdanýǵa tyrysty, biraq úsh shaǵym da qabyldanbady.
2022 jyly sot Smıtti ıneksııa salý arqyly óltirmek boldy. Biraq bul sátsiz aıaqtaldy, prosedýrany júrgizgen mamandar tamyrǵa ıneni kirgize almady. Sodan keıin úkimdi oryndaý týraly orderdiń merzimi aıaqtaldy.
«30 jyldan astam júıeni aldaýǵa tyrysqannan keıin, Smıt óziniń jantúrshigerlik qylmystary úshin jaýap berdi», dedi Alabama gýbernatory Keı Aıvı.
Shtattyń bas prokýrory Stıv Marshall qatygezdik týraly aıyptaýlardy joqqa shyǵaryp, ólim jazasyn «tıimdi jáne adamgershilikke saı» dep málimdedi.
«Ádilet ornady», dedi ol.