Memlekettik satyp alý barysynda kásipkerler quqyqtarynyń saqtalýyna júrgizilgen taldaý nátıjeleri boıynsha medısınalyq mekemeler 75 kásipkerge kepil qarjyny qaıtarmaǵany belgili boldy. Bul týraly Astana qalalyq prokýratýrasy habarlady, dep jazady Egemen.kz.
Quzyrly mekeme medısınalyq mekemelerdiń 75 kásipkerge 2,3 mln teńgeden astam bereshegin anyqtaǵan.
«Memlekettik satyp alý týraly Zańnyń normalaryna sáıkes ónim berýshi memlekettik satyp alý týraly shart boıynsha óz mindettemelerin tolyq jáne tıisinshe oryndaǵan kúnnen bastap bes jumys kúni ishinde qaıtarady. Saryarqa aýdany prokýratýrasynyń prokýrorlyq qadaǵalaý aktisi negizinde kásipkerlerge kelisimshart sommasynyń 3% mólsherinde kepildik tólem qaıtarylyp, kináli tulǵalar tártiptik jaýapkershilikke tartyldy», delingen habarlamada.