Dýbaıdy dúbirletken qazaq tulpary máre syzyǵyn taǵy birinshi bolyp kesti. Tilek Muqanbetqalıevtiń tulpary Kábirhan «Al Maktoum Challenge» týrnıriniń birinshi toptaǵy úzdik attar báıgesinde top jardy.
Ataqty «Meydan» ıppodromynda ótken «Al Maktoum Challenge» – barsha álem kóz tikken mártebeli báıge. Atalǵan báıgede 12 tulpar jarys jolyna shyqty. Onyń ishinde eks-chempıon Mımı Kakýshı jáne klassıkanyń úzdikteri Atletıko El Kýlano, Klepton, Fıorst Konstıtıýshen, Mılıtarı Lo boldy.
Dýbaıdaǵy bedeldi báıgede jeńiske jetken sáıgúliktiń ıesi Tilek Muqanbetqalıevti 27 qańtarda Astana áýejaıynan Ulttyq sport qaýymdastyǵy men birneshe BAQ ókilderi kútip aldy.
– Barlyǵy oıdaǵydaı ótti. Qatty qýandyq. Bul Qazaqstan tarıhynda bolmaǵan jaıt. Alda jospar kóp. 30 naýryzda 27-ret ótetin Dýbaı kýbogine qatysamyz, – dedi Kábirhannyń ıesi.