Bul týraly aqparat Telegram jelisindegi arnalardyń birinde paıda boldy. Al vedomstvo ókilderi bul derekti joqqa shyǵarmady, dep habarlaıdy Egemen.kz.
Áleýmettik jelide tarap ketken aqparatqa sáıkes, Qonaev qalasynyń ákimdigi 2023 jyldyń 11 jeltoqsanynda qupııa túrde 1 mln teńgege jýyq qarjyǵa eki kreslo satyp alǵan.
Osynshama qymbat kreslolardy kórýge barǵan BAQ ókilderi esh aqparat ala almaı qaıtty. Sebebi ákimdik ókilderi qymbat kreslolardy kórsetýge bas tartqan.
Osy oraıda Kazinform aqparat agenttiginiń tilshisi vedomstvoǵa saýal joldady.
Belgili bolǵandaı, bul másele boıynsha Qonaev qalasy ákiminiń apparat basshysyna qatysty qyzmettik tekseris bastalyp ketken.
«Kreslolar qaı mekemege berilgeni anyqtalyp jatyr. Jıhaz qala ákiminiń kelisiminsiz alynǵan», dep jaýap berdi qala ákimdiginiń baspasóz qyzmeti.