Qazaqstanda medısına qyzmetkerlerine shabýyl jasaý oqıǵalary jıilep ketti. Osyǵan baılanysty QR Densaýlyq saqtaý mınıstrliginiń ókilderi medısına qyzmetkerleri men jedel járdem júrgizýshilerine shabýyl jasaý faktileri boıynsha aıyp taǵylǵan tarapty jaýapkershilikke tartýdy qatańdatý kerektigin alǵa tartty, dep habarlaıdy Egemen.kz.
«Densaýlyq saqtaý mınıstrligi qyzmettegi adamdarǵa qarsy bul áreketterdi múldem adamgershilikke jat jáne zańsyz dep sanaıdy jáne zań shyǵarý salasynyń quraldaryn qoldana otyryp, medısınalyq personaldy qorǵaýdy kúsheıtýge nıetti», delingen vedomstvo habarlamasynda.
Densaýlyq saqtaý mınıstrligi qyzmettik boryshyn oryndaý barysynda medısına qyzmetkerlerine shabýyl jasaǵany úshin qylmystyq jaýaptylyqty kózdeıtin Qylmystyq kodekske jekelegen normany engizýge baǵyttalǵan túzetýlerge qaıta bastamashylyq jasaıdy.
Usynylǵan normalar medısına qyzmetkerleriniń kásibı mindetterin qurmetteýdiń mańyzdylyǵyn kórsete otyryp, personaldy qorǵaýdy edáýir kúsheıtýge arnalǵan.
«Ázirlengen zańnamalyq túzetýler jaqyn arada usynylady», dedi QR DSM baspasóz qyzmetiniń ókilderi.