Memleket basshysy Qasym-Jomart Toqaev Aleksandr Stýbbty Fınlıandııa Prezıdenti laýazymyna saılanýymen quttyqtady, dep habarlaıdy Egemen.kz Aqorda baspasóz qyzmetine silteme jasap.
Memleket basshysy prezıdent saılaýynda jeńiske jetken Aleksandr Stýbbqa quttyqtaý jedelhatyn joldady.
«Saılaýdaǵy jeńisińiz halqyńyzdyń Sizge degen senimin bildiredi, sondaı-aq Sizdiń perspektıvti baǵdarlamańyz ben mol saıası tájirıbeńizdi qoldaıtynyn kórsetedi. Fınlıandııa ózińizdiń basshylyǵyńyzben qarqyndy damýyn jalǵastyryp, órkendeı beretinine senimdimin. Biz Fınlıandııamen aradaǵy dostyqqa jáne ózara qurmetke negizdelgen berik qarym-qatynasty joǵary baǵalaımyz. Eki eldiń ıgiligi jolyndaǵy uzaqmerzimdi yntymaqtastyqty odan ári nyǵaıtyp, ekijaqty yqpaldastyqtyń áleýetin paıdalaný úshin Sizben jáne fın úkimetimen tyǵyz baılanys jasaımyz dep senemin», delingen jedelhatta.