Búgin Temirtaý qalasy Vatýtın kóshesinde 2 qabatty dúken ǵımaratynda gaz jaryldy, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Vedomstvo málimetinshe oqıǵa 15 aqpanda saǵat 08:06-da Temirtaý qalasy Vatýtın kóshesinde bolǵan. 2 qabatty dúken ǵımaratynda gaz jarylǵan. Zertteý jáne barlaý barysynda zardap shekkenderdiń ornalasqan jeri anyqtaldy.
«Oqıǵa ornynda Tótenshe jaǵdaılar departamentiniń 40 qutqarýshysy men 10 tehnıka jumys istep jatyr. Saǵat 08:44-te úıindi astynan áıel adam shyǵaryldy. Ol áıeldiń aıtýynsha úıindi astynda taǵy bir er adam bar. Úıindilerdi taldaý jumystary jalǵasyp jatyr», delingen TJM habarlamasynda.
Saǵat 09:08-de 40 sharshy metr alańda órt oqshaýlandy.