Búgin saǵat 08-06-da Temirtaý qalasynyń Vatýtına kóshesi boıyndaǵy «Za ýglom» azyq-túlik dúkeniniń 2 qabatty ǵımaratynda gaz jarylyp, saldarynan ǵımarat opyrylyp qulaǵan, 40 sharshy metr aýmaqta órt sharpyǵan.
О́rt 09-08-de oqshaýlanyp, 10-25-te sóndirildi. Saǵat 08:44-te úıindi astynan 1993 jyly týǵan áıel tabylyp, Temirtaý qalasynyń Ortalyq aýrýhanasyna jetkizildi. Saǵat 09:49-da úıindi astynan 1973 jyly týǵan áıeldiń máıiti (satýshy) shyǵaryldy.
Qazirgi ýaqytta úıindiler shyǵarylyp jatyr.
Tótenshe jaǵdaılardy joıý bazasynda jáne oqıǵa ornynda jedel shtabtar ornalastyryldy, senim telefony (51-72-23) ashyldy.
TJD psıhologtary psıhologııalyq kómek kórsetý úshin oqıǵa orynynda jumys istep jatyr.
Oqıǵa ornynda barlyǵy 177 adam men 38 tehnıka jumyldyrylǵan.