Jambyl oblystyq Polısııa departamenti qyzmetkerleri «Brakoner» jedel aldyn alý is-sharasy barysynda «Sapsan» jedel qyzmeti ınspektorlarymen birlesip, brakonerlik deregin jasady degen kúdikpen Talas aýdanynyń 48 jastaǵy turǵynyn ustady, dep habarlaıdy Egemen.kz.
zhambyl_police ınstagram paraqshasynda: «Onyń turyp jatqan qumdy aımaqtaǵy sharýa qojalyǵyn tekserý barysynda Qyzyl kitapqa engen qaraquıryq janýarynyń týshasy, sondaı-aq 2 tegis uńǵyly qarý tabylyp, tárkilendi», delingen.
Habarlamadan qazirgi ýaqytta zańsyz ań aýlaý deregi boıynsha sotqa deıingi tergeý amaldary bastalyp, sot saraptamalary taǵaıyndalǵany málim boldy.
Aıta ketsek, Jambyl oblysynyń Polısııa departamenti aqpan aıynyń 1-29 kúnderi aralyǵynda óńirde «Brakoner» jedel-aldyn alý is-sharasyn ótkizip jatyr.