Azııa boks konfederasııasy (ASBC) sary qurlyqtyń bıylǵy negizgi jarystary qaı jerlerde jáne qaı kúnderi ótetinin resmı túrde jarııa etti.
30 qarasha men 12 jeltoqsan aralyǵynda Ammanda erler men áıelder arasyndaǵy Azııa chempıonatynyń jalaýy jelbireıdi. Iordanııanyń astanasy buǵan deıin atalǵan dodany qabyldaǵan. 2013 jyly (7+1+0) jerlesterimiz jalpy esepte kósh bastasa, 2022 jyly (6+7+8) ekinshi oryndy ıelendi. Keıingi jarysta jigittermen qosa, burymdylar da baq synady. 2022 jyly 22 jasqa (U-22) deıingi jas bylǵary qolǵap sheberleri 25 sáýirde Astanada bas qosady. Olar týra eki apta judyryqtasady. 21 tamyzda jasóspirimder men mektep oqýshylary sary qurlyqtyń úzdigi ataný úshin Ábý-Dabıde aıqasady. Parsy shyǵanaǵyndaǵy básekeler 21 tamyzda bastalyp, 3 qyrkúıekte óz máresine jetedi.