Sarapshylar damý josparyna nege qarsy?

«Ult josparynda memleket kótergen máselelerdiń she­­shimi joq. Máselen, qýatty ın­dýs­trııalyq baza qurý jáne eko­­nomıkany eseleý. Jalpy, Mem­leket basshysy Qasym-Jomart Toqaev munda jańa ekonomıkalyq baǵytty aıtyp otyr. О́kinishke qaraı, biz ony jospardan kóre almadyq. Bıznes pen Úkimettiń ózara árekettesýi sııaqty máseleler de naqty kórsetilmegen. Jos­par­dyń ózi osy aıdyń 5-i kúni ǵana talqylaýǵa shyqty. Ol 19 aqpanǵa deıin jalǵasty. Bul – tym qysqa ýaqyt. Taǵy bir ýáj, qujat qoǵam men bız­nes­tiń qatysýynsyz ázir­lendi. Sóı­tip, mańyzdy qujatty da­ıyndaý isinde áli de eski tá­sil­der jalǵasyp jatyr», deı­di «Parasat» kásipkerler alıan­­sy basqarma tóraǵasy jáne «Qazhımónerkásip» AQ tóraǵasy Oleg Pak.

Aıtýynsha, eldegi resýrs­tar­ǵa ne­gizdelgen ekonomıka máse­lesin sheshý de jos­parda qa­rastyrylmaǵan. Shı­ki­zat eksportyn eki ese ulǵaı­tý ar­­qyly ekonomıkany ese­lep kóterý múmkin emes. Son­dyqtan muny «eksportqa baǵyttalǵan, qosylǵan quny joǵary ónim óndirý» arqyly jú­zege asyrý kerek deıdi. Jıynda Úılestirý ke­ńesiniń múshe­leri damý jos­parynyń óz­deri daıyndaǵan nus­qasyn qabyl­dap, Úkimetke usynýǵa ýáde berdi.

«Transparent tarıf» qa­ýym­­­dastyǵynyń tóraǵasy Petr Svoık bıyl eli­mizde naqty ulttyq jáne ınfra­qu­­­rylymdyq jospardyń joq­­­tyǵyn, al burynǵy Úki­met ázirlegen jobalar pa­ke­ti kú­­shin joıǵanyn aıtty. Ol jańa ulttyq jospardy «stý­dent­tik esse» dep atady. Sa­rap­shy Memleket basshy­sy­nyń el jaǵdaıyn jaq­sar­tý­da «kóp­tegen durys oılar aıt­qanyn» táptishtedi. Má­selen, kedeılik tuzaǵy, áleý­mettik-ekonomıkalyq reformalar jáne ekonomıkanyń olıgopolııaǵa emes, halyqqa ba­ǵyt­talǵany týraly usynys-oılaryn jetkizdi.

Balamaly jospar jobasyn «Baıtaq» jasyldar partııasy da qoldady. Partııa tóraǵasy Azamathan Ámirtaev ulttyq josparda osydan bir jyl buryn qabyldanǵan elimizdiń 2060 jylǵa deıingi kómirtegi beı­ta­rap­tyǵyna qol jetkizý strategııasyna basymdyq berý­di usyndy.