Bıylǵy oqý jylynan bastap Birtutas tárbıe baǵdarlamasy engizildi. Baǵdarlama óskeleń urpaqqa adamzattyq jáne ulttyq qundylyqtarǵa negizdelgen tárbıeni kúsheıtý maqsatynda ázirlendi, dep habarlaıdy Egemen.kz.
«Qazirgi tańda balabaqsha, mektep-kolledjderde ata-analarmen jumys qarqyndy júrgizilýde. Barlyq mektepterde ata-analardy pedagogıkalyq qoldaý synyptary ashyldy. Onda sanaly túrde ár áke, ár ana, ár pedagog osy qoǵamda, jalpy, bala úshin ne isteı alamyn, balanyń qaýipsizdigine qandaı úles qosa alamyn degen úlken máseleni sezine alýy úshin birqatar júıeli jospar iske asyrylady. Birtutas tárbıe baǵdarlamasy negizgi úsh qundylyqqa negizdelgen. Bul ar-uıat qundylyǵy, talap qundylyǵy jáne ulttyq múdde», dedi Oqý-aǵartý mınıstrligi Tárbıe jumysy jáne qosymsha bilim berý departamentiniń dırektory Merýert Medetbekova OKQ alańynda ótken dóńgelek ústelde.