Qazaqstan sýperkýboginiń ıegeri anyqtaldy. Fınaldyq saıysta Shymkenttiń «Ordabasy» men Qostanaıdyń «Tobyl» klýbtary kúsh synasty.
Ońtústiktiń oǵlandary byltyrǵy maýsymda Qazaqstan chempıony atansa, qostanaılyqtar kýbokti ıelendi. El fýtboly tarıhynda atalǵan jarystyń fınaly tuńǵysh ret ózimizde emes, ózge memlekette, ıaǵnı Túrkııanyń Antalııa qalasyndaǵy «Tıtanık Mardan» stadıonynda ótti. Birinshi taımnyń sońǵy sekýndtarynda Ashat Taǵybergenniń buryshtamadan bergen dobyn Evgenıı Makarenko qaqpaǵa dál túsirdi. Úzilisten keıin «Tobyl» tarazy basyn teńestirdi. Bul goldy 65-mınýtta Ivan Mıladınovıch saldy. Esep – 1:1. Penaltı soǵýda «Tobyldyń» oıynshylary dáldik tanytty – 5:4. Sóıtip, Qostanaıdyń komandasy óz tarıhynda úshinshi márte Sýperkýbokti ıelenip otyr. Al «Ordabasy» qatarynan ekinshi ret fınalda jeńilis tapty. Byltyr olar sheshýshi matchta «Astanaǵa» ese jibergen edi.
Sýperkýbokti oljalaǵan komandaǵa 60 mln teńge kóleminde syıaqy beriledi. Sheshýshi matchta jeńilis tapqan klýbtyń oıynshylary da qurqol qaıtpady. Olar 40 mln-dy enshiledi.