Mańǵystaý oblysynda Premer-mınıstrdiń orynbasary Serik Jumanǵarın «Soltústik-Ońtústik» jáne THKB kólik dálizderin damytý máseleleri boıynsha keńes ótkizdi.
Aqtaý porty men Irannyń soltústik porttary arasynda júkterdi tasymaldaý jolǵa qoıylǵan «Soltústik-Ońtústik» halyqaralyq kólik dálizi – balamaly saýda marshrýttaryn damytý turǵysynan keleshegi bar baǵyt. Onyń shyǵys tarmaǵy Mańǵystaý oblysy arqyly ótedi.
Keńeste kólik vıse-mınıstri Maqsat Qalıaqparov aıtqandaı, servısti jaqsartý, júkterdi jetkizý ýaqytyn qysqartý jáne atalǵan kólik dálizinde «biryńǵaı tereze» qaǵıdatymen qyzmet kórsetý úshin Qazaqstan, Reseı jáne Túrikmenstannyń temirjol ákimshilikteri birlesken kásiporyn qurýdy josparlap otyr.
«О́tken jyldyń qorytyndysy boıynsha «Soltústik-Ońtústik» dálizi boıynsha temirjol kóligimen tasymaldanǵan júktiń kólemi 2,1 mln tonnany qurady. Bul 2022 jyldan 4%-ǵa artyq. 2027 jylǵa qaraı dálizdiń kólik ótkizý áleýeti jylyna 6 mln tonnadan 10 mln tonnaǵa deıin ulǵaıtylatyn bolady», dedi Maqsat Qalıaqparov.
Transkaspıı halyqaralyq kólik baǵyty (THKB) – Shyǵys-Batys baǵyttaryna mańyzdy balama. Onyń ótkizý qabileti – 6 mln tonna. 2023 jyly tasymaldaý kólemi 2,76 mln tonnany qurady. Bul – 2022 jyldan 65%-ǵa joǵary. 2024 jyldyń basynan tasymaldaý 274,2 myń tonnaǵa jetip, ótken jyldyń kórsetkishimen salystyrǵanda 147%-ǵa arta túsken.
THKB-da ınfraqurylym men termınaldyq qýattardy jaqsartý, porttardy keńeıtý, jyljymaly quramdy ulǵaıtý, ákimshilik kedergilerdi alyp tastaý jáne tasymaldaýshylar úshin qolaıly jaǵdaılar jasaý boıynsha aýqymdy jumystar júrgizilip jatyr. Munyń bári 2027 jylǵa qaraı atalǵan kólik baǵytynyń ótkizý qabiletin jylyna 10 mln tonnaǵa deıin arttyrýǵa múmkindik beredi.
Eń iri jumystardyń qatarynda: «Dostyq – Moıynty» temirjol ýchaskesiniń ekinshi joldary jáne «Almaty» aınalma temirjol jelisi, Aqtaý teńiz portyndaǵy konteınerlik hab, Quryq portyndaǵy «Sarja» kópfýnksıonaldy termınalyn salý jáne eki portty tereńdetý jumystary bar.
Sondaı-aq kólik vıse-mınıstri Maqsat Qalıaqparov Mańǵystaý oblysynyń áýe jáne avtomobıl kóligi salasynda júrgizilip jatqan jumystar týraly habarlady. Keńes qorytyndysynda Serik Jumanǵarın Mańǵystaý oblysynyń eldiń kólik-logıstıkalyq júıesindegi, ásirese «Soltústik-Ońtústik» jáne THKB dálizderindegi strategııalyq rólin atap ótti. Vıse-premer olardy keńeıtý jáne ótkizý qabiletin arttyrý boıynsha júrgizilip jatqan jumystardy jandandyrýdy tapsyrdy.