Qazaq ulttyq agrarlyq zertteý ýnıversıtetiniń basqarma tóraǵasy - rektory Aqylbek Kúrishbaev AQSh-qa sapary barysynda osy eldiń jetekshi oqý orny Nebraska Lınkoln Ýnıversıtetiniń basshylyǵymen kezdesip, eki JOO arasynda «Jan-jaqty jáne ózara tıimdi yntymaqtastyq pen áriptestikti damytý týraly kelisimge» qol qoıdy, dep jazady Egemen.kz.
Nebraska Lınkoln Ýnıversıteti tarapynan qujatqa Ýnıversıtettiń basqarma tóraǵasy – Regent, professor Rodnı Bennett qol qoıdy.
Kelisim ýnıversıtetterdiń agronomııa, tabıǵı jáne sý resýrstaryn basqarý, qorshaǵan orta týraly ǵylym, bıologııalyq júıeler ınjenerııasy jáne basqa da magıstrlik baǵdarlamalar salasynda eki dıplomdyq bilim berý baǵdarlamasyn qurý boıynsha yntymaqtastyqty kózdeıdi. Bul mańyzdy qadam KazNARU stýdentterine AQSh-ta oqýdy qamtamasyz etýge múmkindik beredi.
Kelisim sondaı-aq Qazaqstan úshin mańyzdy jobany: elimizdegi fermerler arasynda jańa tehnologııalar men ǵylymı ázirlemelerdi usyný jáne taratý jónindegi Extension services Ortalyǵyn qurý boıynsha konsýltasııalar men Jol kartasyn ázirleý jónindegi jumystardy bastaýdy, sondaı-aq sý resýrstaryn basqarý boıynsha birlesken zertteýler júrgizý jónindegi yntymaqtastyq tetigin damytýdy kózdeıdi.
Nebraska Lınkoln Ýnıversıtetiniń basshylarymen talqylaý barysynda ǵylymı saladaǵy seriktestikti damytýdyń naqty qadamdary da aıtyldy. Taraptar Nebraska Lınkoln Ýnıversıtetiniń ókildi delegasııasy jaqyn arada KazNARU-ǵa yntymaqtastyq máselelerin naqtylaý, sondaı-aq stýdentter úshin Spýtnıktik kampýs pen fermerlerdiń bilimin taratý Ortalyǵyn qurý múmkindigin talqylaý úshin saparlap kelýge kelisti.
Kelissózder barysynda joǵary oqý oryndarynyń basshylary Nebraska Ýnıversıtetinen oqytýshylardyń Workshop serııalaryn, semınarlardy, POQ biliktiligin arttyrý kýrstaryn ótkizý jáne KazNARU magıstranttary men doktoranttary úshin dárister oqý úshin kelý múmkindigin talqylady.
Qazaq ulttyq agrarlyq zertteý ýnıversıtetiniń rektory A.Q.Kúrishbaev sondaı-aq ırrıgasııalyq júıelerge arnalǵan jabdyqtar men tehnologııalar óndiretin álemdegi eń iri kompanııalardyń biri – «Wellmont» kompanııasynyń Vıse-prezıdenti Darın Sıkmen myrzamen sý sharýashylyǵy boıynsha birlesken quzyrettilik Ortalyǵyn qurý máselesi boıynsha kezdesti.
Kezdesý aıasynda KazNARU basshylyǵy ǵylymı zerthanalarǵa, ınnovasııalyq jylyjaıǵa baryp, Nebraska Lınkoln Ýnıversıtetiniń Extension services ortalyǵynyń jumysymen tanysty.
Osylaısha, KazNARU basshylyǵynyń AQSh-tyń jetekshi ýnıversıtetteriniń biri Nebraska Lınkolnge sapary óte nátıjeli boldy.
Ýnıversıtetter basshylyǵynyń kezdesýinde qol jetkizilgen nátıjeler KazNARU-ǵa halyqaralyq ıntegrasııanyń jańa deńgeıine shyǵýǵa, bilim berý baǵdarlamalarynyń sapasyn jáne ǵylymı zertteýler deńgeıin, onyń ishinde sý qaýipsizdigi máseleleri boıynsha arttyrýǵa, Qazaqstanda fermerlerge qyzmet kórsetetin quzyretti ortalyqtar qurý úshin qajetti jaǵdaılar jasaýǵa múmkindik bermek.