20 jyl buryn belgııalyq áıel asyrap alǵan qazaq balasy Qazaqstanǵa qaıta keldi. Jánibek Savelev 28 aqpan kúni «Myń alǵys» is-sharasyna qatysyp, týǵan anasyn izdeýge qol ushyn sozyp jatqan jandarǵa rızashylyǵyn bildirdi. Al búgin ol Balalar aýylyna baryp, ákesiz, anasyz ósip jatqan búldirshinderge syılyq úlestirdi, dep jazady Egemen.kz.
Jánibek búgingi Alǵys aıtý kúnine oraı uıymdastyrylǵan qaıyrymdylyq is-sharasyna qatysty. Ol Arqalyqtaǵy balalar úıinde keshken estelikterin bólisip, sondaı ortalyqtarda jumys isteıtin tárbıeshilerge alǵys aıtty.
«Osy meıirimdi merekede alǵysymdy bildirý úshin, Astanadaǵy @kindervillage aýylyndaǵy balalardy qýantyp, kóptegen syılyq, oıynshyqpen barýǵa ruqsat etildi. Keıbir balalardyń anasy da, ákesi de joq jáne olar kámeletke tolǵanǵa deıin osy Balalar aýylynda túrli jastaǵy balalarmen birge aralas otbasynda turady eken. Olar syılyqtardy alyp, ashyp, kórip jatqanda, júzinderindegi qýanyshty baıqap, ózim de tolqyp kettim.
Osy erekshe merekede ár balanyń jaqsy, jyly úıde ómir súrýin tileımin Ár balanyń ádemi ápkesi men aǵasy bolyp, jalǵyzsyramaýyn suraımyn. Ár adamnyń aldynda jarqyn bolashaq bolsa eken dep tileımin», dep jazdy Jánibek áleýmettik jelidegi paraqshasynda.