Eńbek jáne halyqty áleýmettik qorǵaý mınıstrliginiń bastamasymen 2023 jyly erekshe qajettilikteri bar adamdarǵa ınvataksı qyzmetin kórsetý kezinde taksı agregatorlaryn paıdalaný jónindegi pılottyq joba iske qosyldy. 2024 jylǵy 1 naýryzdaǵy jaǵdaı boıynsha Astana men Almaty qalalarynda atalǵan qyzmet 26,7 myń ret kórsetildi, dep habarlaıdy Egemen.kz atalǵan mınıstrliktiń baspasóz qyzmetine silteme jasap.
Mınıstrlik 2023 jyldyń qorytyndysy boıynsha múgedektigi bar adamdarǵa ınvataksı qyzmeti 53,9 myń ret kórsetilgenin eske saldy.
Invataksı qyzmetiniń sapasy men kórsetý jyldamdyǵyn arttyrý maqsatynda Eńbekmıni ákimdiktermen birlesip osy qyzmettiń tetigine ózgertý engizý týraly sheshim qabyldady.
«Sharttardy jeńildetý úshin osy qyzmetti kórsetýge qatysýǵa tıisti suranys alǵan taksı agregatorlaryn tartý boıynsha pılottyq jobaǵa bastama jasaldy. Mundaǵy basty shart saparlardyń aqysynan paıyzdyń bolmaýy, olar ádette agregator platformalarynyń paıdasyna aýdarylatyn. Iаndeks kompanııasy pılottyq jobaǵa óteýsiz negizde qatysýǵa nıet bildirdi», delingen vedomstvo habarlamasynda.
Pılottyq joba aıasynda azamattar Iаndeks Go mobıldi qosymshasy arqyly Invataksı qyzmetin qoldana alady. Bul qyzmetti alýshy úshin kólikti tezirek tańdaýǵa, onlaın rejıminde tapsyrys mártebesin qadaǵalaýǵa jáne jasalǵan saparlarǵa monıtorıng júzege asyrýǵa múmkindik beredi. Atalǵan qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosyldy. О́z kezeginde, júrgizýshiler adamdy kólikke otyrǵyzý jáne odan túsýde qalaı kómek kórsetýge bolatyn sekildi arnaıy nusqaýlar alady.
Pılottyq jobaǵa alǵashqy kezeńde Astana jáne Almaty qalalarynan múgedektigi bar adamdardyń fokýs-toby qatysady.
Joba 2024 jyly da jalǵasady, bolashaqta jańa formatta qyzmet kórsetýdi múgedektigi bar adamdardyń basqa toptaryna keńeıtý jáne eldiń barlyq óńirlerinde keńinen qoldaný josparlanyp otyr.