Qarjylyq monıtorıng agenttiginiń Qostanaı oblysyndaǵy qyzmetkerleri et óńdeýmen aınalysatyn Beef export group JShS kásipornynyń ulttyq joba aıasynda bólingen bıýdjetti talan-tarajǵa salǵanyn anyqtady. Qazir istiń sotaldy tergeýi aıaqtaldy, dep jazady Egemen.kz.
Kásiporyn dırektory uıymdasqan top quryp, uzaq ýaqyt boıy «QR agroónerkásiptik keshenin damytý» ulttyq jobasyn iske asyrýǵa baǵyttalǵan memleket sýbsıdııa bıýdjetin qarajatyn urlaýmen aınalysqan. Qylmystyq top memleketke 3 mıllıard teńgeden astam shyǵyn keltirgen.
«Sotaldy tergeý barysynda kúdiktilerden 107 mıllıon teńge ótelip, 3,1 mıllıard teńge múlkin paıdalanýǵa tyıym salyndy. Qylmystyq shemaǵa 49 adam tartylǵan, olardyń 13 uıymdasqan toptyń múshesi, olarǵa sýbsıdııalardy jymqyrý, salyq tóleýden jaltarý, zańsyz kásipkerlik qyzmet, qylmystyq jolmen alynǵan múlikti zańdastyrý, laýazymdy tulǵalarǵa para berý jáne qujattardy qoldan jasaý kúdigimen aıyp taǵylyp otyr», delingen QMA taratqan habarlamada.
Tergeý barysynda kásiporyn basshysy kompanııanyń qyzmetine salyqtyq tekserý júrgizgen memlekettik qyzmetshige qysym kórsetip, zańsyz áreket jasaǵany da áshkere boldy.