Astanada alıment tólemeı júrgenderdiń kóligi tárkilenetin boldy, dep habarlaıdy Egemen.kz.
Ádilet mınıstrligi baspasóz qyzmetiniń málimetinshe, 4-5 naýryzda qalalyq ádilet departamenti jeke sot oryndaýshylardyń óńirlik palatasy jáne polıseılermen birlesip, "Boryshker" reıdtik sharasyn júrgizgen.
- 857 myń 160 teńge, 1 mıllıon 518 myń 626 teńge, 2 mıllıon 483 myń 773 teńge, 2 mıllıon 943 myń 979 teńge kóleminde alıment tólemeı júrgen boryshkerlerdiń 4 kóligi tárkilenip, aıypturaqqa qoıyldy. Jeke sot oryndaýshylary avtokólikterdi baǵalap, satady, - dep jazylǵan Ádilet mınıstrligi taratqan aqparatta.
Jaqyn kúnderi alıment tólegisi kelmeıtin ákelerdiń jeke múlkin óndirip alý jumysy jalǵasady.