Bir demde segiz adamnyń ómirin jalmaǵan jantúrshigerlik jol apatynyń aldyn ala sebebi jarııalandy, dep habarlaıdy Egemen.kz.
"QazAvtoJol" "UK" AQ-nyń aldyn ala aqparaty boıynsha, órtengen "Lada Largýs" avtokóliginiń júrgizýshisi jol qozǵalysy erejelerin buzyp, qarsy qozǵalys jolaǵyna shyǵyp ketken. Sonyń saldarynan soqtyǵysqan kólik órtke oranǵan.
Kólik gazben júredi.
Aıta keteıik, qaıtys bolǵandar arasynda týystar da bar. Sonyń biri – 12 jastaǵy er bala men ákesi.
Odan bólek, Aqtóbege jol tartqan eki oqýshy qyz naǵashy ájesimen birge baqılyq boldy.
Derekterge qaraǵanda, qaza tapqan balalar – Temir aýdany Keńqııaq aýylyndaǵy mektep oqýshylary.