Densaýlyq saqtaý mınıstri Aqmaral Álnazarova áleýmettik mańyzy bar aýrýlarǵa shaldyqqan azamattar medısınalyq tekseristen tegin ótetinin aıtty, dep jazady Egemen.kz.
Mınıstr halyq tarapynan dıagnozdy anyqtaýǵa arnalǵan klınıkalyq-medısınalyq zertteýlerge aryz-shaǵymdar jıilegenin ári mundaı qyzmet barlyq adamǵa qoljetimdi emes ekenin aıtty.
«Endi áleýmettik mańyzy bar aýrýǵa shaldyqty degen kúdikpen kelgen adamdarǵa dıagnostıkalyq zertteýler tegin kórsetiledi. Bul qyzmetke júginýshiniń mindetti áleýmettik medısınalyq saqtandyrý júıesindegi mártebesine qaramaıdy. Árbir pasıentpen jeke-dara jumys isteý normasyn engiziledi. Máselen, buǵan deıin qant dıabeti, qan qysymy sııaqty aýrýǵa shaldyqqan adamdardy emhanaǵa baqylasa, jańa norma engizilgennen keıin sozylmaly aýrýy bar barlyq pasıentti dárigerler toby qadaǵalaıtyn bolady. Sondaı-aq dınamıkalyq baqylaýǵa jatatyn aýrýlardyń tizimi keńeıtiledi», dedi Aqmaral Álnazarova.