19 naýryzda Uzynkól aýdany Presnogorkovskıı aýyldyq okrýginiń ákimi Tastemir Tursynbaev asylyp qalǵan kúıi tabyldy, dep habarlaıdy Egemen.kz TobolInfo aqparattyq agenttigine silteme jasap.
Tastemir Tursynbaev 1964 jyly Qostanaı oblysynda dúnıege kelgen, mamandyǵy boıynsha mal dárigeri bolǵan.
Eńbek jolyn elektromonter bolyp bastap, Uzynkól aýdany Petropavl aýyldyq okrýginiń veterınarııa bóliminiń meńgerýshisi bolyp eńbek etti. Keıin 16 jyl Petropavl aýyldyq okrýginiń ákimi boldy.
2015-2018 jyldar aralyǵynda Tastemir Tursynbaev Presnogorkovskıı aýyldyq okrýginiń ákimi qyzmetin atqarǵan. Úzilisten keıin ol bul qyzmetke 2023 jyly qaıta kiristi.
Oqıǵanyń qalaı jáne qaıda bolǵany týraly ázirge tolyq málimet joq.