Ázerbaıjan astanasy Bakýde ótip jatqan boks básekesinde búgin 3 el sportshysy sharshy alańǵa shyǵady, dep jazady Egemen.kz.
Qazaqstan boks federasııasy «Uly Jibek joly» halyqaralyq týrnırinde 25 naýryz kúni baq synaıtyn boksshylardyń aty-jónin jarııalady.
Olar:
60 keli salmaq dárejesinde Talǵat Syrymbetov shırek fınalda vengrııalyq Mark Adol Balohqa qarsy shyǵady.
71 kelide otandasymyz Darhan Dúısebaı jarys qojaıyny Nabı Iskandarovpen qolǵap túıistiredi.
86 kelide qazaq-ózbek boksshylary Bekzat Tańatar men Samandar Djalolov ózara myqtyny anyqtaıdy.
Aıta keteıik, «Uly Jibek joly» halyqaralyq týrnıri 23 naýryz kúni jalaýyn kóterdi. Básekede álemniń 100-den astam sportshysy baq synap jatyr.