«Dıapazon» basylymy Aqtaý garnızonyndaǵy áskerı bólimderdiń birinde vzvod komandıriniń merzimdi qyzmettegi sarbazdarǵa qatysty bılikti asyra paıdalanyp, olardyń basynan oryndyq, taıapen urǵanyn jarııalaǵan edi. Búgin Qorǵanys mınıstrligi oqıǵaǵa qatysty resmı túsinikteme berdi, dep jazady Egemen.kz.
«Atalǵan fakti boıynsha tergeý is-sharalary júrgizilip, Aqtóbe garnızony áskerı sotynyń sheshimimen taraptardyń tatýlasýyna baılanysty is toqtatyldy.
Qazaqstan Respýblıkasy «Áskerı qyzmet jáne áskerı qyzmetshilerdiń mártebesi týraly» Zańynyń 26-baby 2-tarmaǵyna sáıkes sot úkimi zańdy kúshine engennen keıin áskerı qyzmetshi teris sebeptermen QR Qarýly kúshteriniń qatarynan bosatylady», delingen mınıstrlik habarlamasynda.
Vedomostvo qarýly kúshter qatarynda mundaı teris oqıǵalar biren-saran bolatynyn aıtyp, baqylaý únemi júrgiziletinin málimdedi.