Qostanaı oblysynyń ońtústik aýdandaryndaǵy sý tasqyny jaǵdaıy áli de kúrdeli, dep habarlaıdy Egemen.kz.
Oblys basshysy Qumar Asksaqalovtyń tóraǵalyǵymen oblystyq jedel shtab óz jumysyn jalǵastyrýda.
Oblys ákiminiń alǵashqy tapsyrmalarynyń biri zardap shekken aýdandardyń balalary úshin oqý prosesin uıymdastyrý, sonyń ishinde olardy kıimmen, oqýlyqtarmen jáne keńse taýarlarymen qamtamasyz etý boldy.
Aýdandar boıynsha barlyǵy 267 bala evakýasııalandy, onyń 215 - i mektep jasyndaǵy, 52-si mektepke deıingi jastaǵy balalar.
Búgingi tańda balalar týystarynyń janynda turady jáne otbasylarymen birge evakýasııalyq pýnktterge ornalastyrylǵan.
Arqalyq qalasyna evakýasııalanǵan balalardyń oqý prosesi M. Áýezov atyndaǵy № 5 JBBM - de ekinshi aýsymda uıymdastyrylady.
Amangeldi jáne Jangeldi aýdandaryndaǵy sý tasqynynan zardap shekken otbasylar ınternatta jáne Torǵaı kentiniń shyǵarmashylyq úıinde ornalasqan.
Jalpy, qashyqtan oqytý 11 mektepte uıymdastyrylady: Amangeldi aýdanynyń 10 mektebi (1739 bala) jáne Jangeldi aýdanynyń 1 mektebi (44 bala).
Oqý úderisi úshin barlyq qajetti quraldarmen oqýshylar qamtamasyz etildi, buǵan qarajat jalpyǵa birdeı bilim berý qorynan alyndy.
«Mektepterde balalarǵa arnalǵan kabınetter, oqýlyqtar daıyn, toqsannyń birinshi kúninen bastap oqýshylardyń tamaqtanýy uıymdastyrylady. Barlyq balalar mektep formasymen jáne keńse taýarlarymen qamtamasyz etilgen», dep atap ótti Bilim basqarmasy.