Jańa qus fabrıka­­sy

Kúnine 110 myń ­­jumyrtqa óndiriledi

Kásiporyn jylyna 72 mln dana ju­myrt­qa óndirýge qaýqarly. Qus fabrı­ka­sy­nyń ir­getasy 2022 jyly qalandy. Eki jyldaı qurylys jumystary júrip, iske bıyl kiristi. О́ndiris ornynda 2 seh, 4 qorajaı, vete­rı­narlyq zerthana, jumyrtqany suryp­taıtyn alań men ónim saqtaıtyn qoıma bar.

Jumyrtqalaıtyn taýyqtar – «sýper nık» dep atalatyn tuqymdy qustar. Olardy О́zbek­stannan arnaıy satyp ákelgen. Qus fabrıkasynda gormondyq qospalar, ósý stımýlıatorlary, genetıkalyq túr­­lendirilgen zattar múldem qol­da­nylmaıdy. Taýyqtar men bala­pandar tek tabıǵı qurama jemmen qorektendiriledi. Kásiporyn Ger­ma­­nııanyń «Big Dutchman», Pol­­sha­nyń «Moba» sekildi eń ozyq qon­dyr­­ǵylarymen jabdyqtalǵan.

Kompanııa ókili О́mirbı ­Sábıt­uly­­­­­­nyń aıtýynsha, búgin­de fabrıkadaǵy qus sany 110 myń­ǵa jetti. Sáýir aıynda taǵy 110 myń qus satyp ákelinbek. Jumyrt­­qanyń 3 túrli surpy óndiriledi. Jumyrtqa sanattary tańdaýly, sýper tańdaýly jáne S1 dep bólinedi. Kásipkerlik jobany júzege asyrýdyń birinshi kezeńinde 72 mln dana jumyrtqa óndirilmek. Kompanııa bıznes bastaýǵa qajetti qarajatty «Damý» kásipkerlikti damytý» qory arqyly 4%-dyq nesıemen alǵan. Qurylys pen óndiristi iske qosýǵa ketken jalpy qarjy 4,5 mlrd teńgeni qurapty. Qazir kásiporynda kúnine 110 myń jumyrtqa óndiriledi. 72 mln danany quraıtyn jyldyq qýattylyqqa tolyq kóshken ýaqytta kúnine 220 myń jumyrtqa ónimi alynatyn bolady.

Syrtqy naryqqa da eksporttalady

«Negizgi maqsatymyz – halyqqa halal ári arzan, sapaly jumyrtqa usyný. О́nimimiz halyqaralyq standarttarǵa tolyq sáıkes bolǵandyqtan, shetelge eksporttaı alamyz. Alaıda áýeli ishki naryqty jumyrtqamen tolyq qamtamasyz etýimiz kerek. Bıznes jobamyzdyń ekinshi kezeńinde taýyq sanyn 660 myńǵa jetkizip, jylyna 220 mln dana jumyrtqa óndirýdi kózdep otyrmyz. Mine, sol kezde taýa­rymyzdy Eýrazııalyq ekonomıkalyq odaq (EAEO) elderi men shetelderge eksporttaımyz. Qysta adamnyń tábeti artyp, tamaqty kóp jeıdi. J­u­myrt­qa joǵary kalorııaly taǵam túri bol­ǵandyqtan, qysta onyń tutyný kólemi artady. Jazda tómendeıdi. Sondyqtan ol suranysy joǵary, kóp tutynatyn, ári jaz ben qys mezgiline qaraı qajettiligi ózgerip otyratyn ónim bolyp sanalady», dedi О́mirbı Sábıtuly.

Kásiporyn aýmaǵynda 135 metr tereńdikte uńǵyma qazylǵan. Ol móldir taza sýdy tutynýǵa múmkindik beredi. Jaryq óshken jaǵdaıda fabrıkany úzdiksiz elektr qýatymen qamtamasyz etetin arnaıy generator qondyrǵysy ornatylǵan. О́ndiris ornynyń orna­las­qan jeri qala ortalyǵynan bir­shama uzaqta – Túrkistan oblysy Tólebı aýdanyna qarasty Zertas aýylynyń dál mańynda. Sondyqtan munda eńbek etetin jumysshylardyń deni – jergilikti turǵyndar. Qaladan qatynap isteıtin jumysshylarǵa arnaıy avtobýs qarastyrylǵan. Jalpy, kásiporynda 75 adam jumys isteıdi.

Qus fabrıkasynyń óndiris aı­maq­tarynan, mal sharýashylyǵy keshen­­­derinen alshaqta sa­ly­nýy sanı­tar­lyq-veterınarlyq qaýip­siz­dikti joǵary deńgeıde saqtaýǵa kepildik beredi. Kompanııa aldaǵy ýaqytta etti baǵyttaǵy broıler taýyqtaryn ósirip, qurama jem da­ıyndaıtyn qosymsha óndiristi iske qosýdy josparlap otyr. Sondaı-aq óndiristiń ekinshi kezeńinde shujyq sekildi kóptegen taýyq eti ónimderi ázirlenip, olar arnaıy fırmalyq dúkenderde satylymǵa shyǵarylady.

Memleket 250 mln teńge ­paıyzsyz qarjy berdi

Shymkent qalalyq aýyl sha­rýa­­­shylyǵy jáne veterınarııa basqar­ma­sy basshysynyń orynbasary Qaı­rat Bazarbekovtiń málimdeýinshe, jańa­dan ashyl­ǵan qus fabrıkasynyń iske qosylýymen megapolıstegi ta­ýyq jumyrtqasyn óndiretin kásip­oryndar sany tórteýge jetti. Qazir­ge deıin shahardaǵy úsh qus fabrıkasy – «Tassaı qus», «Kazkom» jáne «Shymkent qus» jumyrtqa ónimine degen suranystyń 50%-yn qam­ta­ma­syz etip kelse, naryqqa endi ǵana qadam basqan «AıMar Qustyń» ónimi­men suranysty qanaǵattandyrý kór­set­kishi 70%-ǵa ulǵaıatyn bolady. Árıne, muny memlekettiń basty strategııasy sanalatyn azyq-túlik qaýipsizdigin qamtamasyz etýdegi eń úlken jetistiktiń biri dep baǵalaǵan jón. Basqarma ókiliniń aıtýynsha, Úkimet osy baǵyttaǵy jumystardy shırata túsken. Sonyń nátıjesinde jyl saıyn agroónerkásip keshenindegi jobalar men olarǵa jumsalatyn ınvestısııa kólemi de artyp keledi. Máselen, bıyl «AıMar Qus» qus fabrıkasymen birge megapolıste taǵy ­6 joba iske asyrylmaq.

«AıMar Qus» birinshi qajet­tiliktegi áleýmettik mańyzy bar azyq-túlik ónimderin óndiretin kásiporyn bol­ǵandyqtan, jergilikti naryqtaǵy taýar baǵasynyń turaq­tylyǵyna belgili bir deńgeıde áser ete alady. Sol sebepti, qus fabrıkasy ákimdik tarapynan arnaıy tizimge engizilip, oǵan «Shymkent» áleýmettik-kásipkerlik korporasııasy arqyly turaqtandyrý qorynan 250 mln teńge paıyzsyz aınalym qarajaty berildi. Bul keli­sim­shart negizinde qus fabrıkasy jergilikti iri saýda jelisi dúkenderine 1 jyl boıyna baǵasy 50 teńgeden S1 sanatqa jatatyn 5 mln dana jumyrtqa ótkizýge mindetteme aldy. Sonymen birge kásiporyn tolyq qýatyna enip bolǵan soń ınvestısııalyq sýbsıdııa baǵdarlamasyna sáıkes qural-jabdyqtardy satyp alýǵa ketken shyǵynnyń 40%-y memleket tara­py­nan ótelip, kompanııaǵa keri qaıta­ry­la­tyn bolady.

«Memleket kásipkerlerge óte jaqsy jaǵdaı jasap otyr. Onyń eń bastysy – qarjylaı kórsetiletin qol­daý­lar. Osyndaı kómektiń nátı­je­sinde qanshama kompanııa jobalaryn iske asyratyn ıvestısııalyq qarajat taýyp, aıaqqa turyp ketip jatyr. Endigi maqsat – naryqty qajetti azyq-túlik­pen qamtamasyz etip, eksporttyq ále­ýetti ulǵaıtý. Oǵan elimizdiń klımaty men jer jaǵdaıy tolyq múmkindik bere­di», deıdi О́mirbı Sábıtuly.

ShYMKENT